Хөрөг – Portrait
Posted by Оогийноо on November 21, 2010
Shuudshuud: “Хөрөг”, 2010.11.20
Зургийн техник: Wacom art
Д.Урианхайн гуайн “Мөнхийн шалтгаан” гэх энэ шүлгийн мөртүүдээр амилсан бодол хүн бүрт байдаг байхаа гэж бодлоо. Амьд явахын, сайхан амьдралын мөнхийн шалтгааны нэгээхэн хэсгийг гайхалтай зурагласан сайхан шүлгийг хүргье.
“Мөнхийн шалтгаан”
Тэнгэрийн тунгалаг зэрэглээнд болжмор жиргэж л байвал би амьд явна!
Тэр шувуунд би хачин их хайртай!
Тэртээ уулын хормойд ой шуугиж л байвал би амьд явна!
Тэр эгшгэнд би хачин их хайртай,
Хайраар би амьдардаг аа!
Хээр талаар морьтой хүн таваргаж л явбал би амьд явна!
Тэр бараанд би хачин их хайртай!
Хэдэн унага голын зүлгэнд тоглож л байвал би амьд явна!
Тэр амьтдад би хачин их хайртай,
Хайраар би амьдардаг аа!
Өвөлжөөнөөс намрын хиаг ханхалж л байвал би амьд явна!
Тэр үнэрт би хачин их хайртай!
Өвлийн шуурганд уруудсан мал бүрэн хонож л байвал би амьд явна!
Тэр баярт би хачин их хайртай,
Хайраар би амьдардаг аа!
Хаврын үдэш гадаа бороо шивэрч л байвал би амьд явна!
Тэр шивнээнд би хачин их хайртай!
Харц хөлчингө амраг цээж налаад сууж л байвал би амьд явна!
Тэр амьсгалд би хачин их хайртай,
Хайраар би амьдардаг аа!
Тооно эртний бор гэрт гал шаргалтаж л байвал би амьд явна!
Тэр амгаланд би хачин их хайртай!
Толгодын намжаа оройгоор зам зурайж л байвал би амьд явна!
Тэр аниргүйд би хачин их хайртай,
Хайраар би амьдардаг аа!
Аялгуу содон Монгол үгээр хүмүүс ярьж л байвал би амьд явна!
Тэр хэлэнд би хачин их хайртай!
Ариун нь мөнх Монголоор дэлхий дутаж л байвал би амьд явна!
Тэр оронд би хачин их хайртай,
Хайраар би амьдардаг аа!
Бие цуг орчлонд мөнх амьдрах шалтгаантайдаа
Би яагаад ч үхэхгүй ээ!..
.
Oogiinoo said
Wonderful portrait and amazing sense. Great done
lonebee said
яаасан гоё нохойнууд вэ
solongo said
ta 2 saihan haragdaj bn shuu az jargal husey zaluusaa amjilt
solongo said
hurug chini ih saihan boljee zgr zurag bish yg hurug harts ene ter ni gd l gaihamshigtai nzaa
Ariunaa said
Mash goy boljee ax min.. Tanii zurgig xarsan chn tsogto tomrox tusma tanitai tustei xaragdaad baixiin..:)
Ganaa said
ene haana awhuulsan zurag we
shuudshuud said
bairniihaa yaag derged baidag tariaan talbai deer avsan zurag .
yka said
yostoi goyo pic bna az jargal hvsie.gd lck
aynaa said
mash goy medremj
aynaa said
uneheer a zjargaltai hodolmorch baidal ulger jishee bolohuits hun bagshdaa amjilt husie
Batzaya Enkhbayar said
@[246106602113517:0]