Амралтын өдрөө гэж …

Болжмор, болжмор хөөрхөн дөө

Боов талханд дуртай даа

Өвөл болоход даардаг даа

Өвсөн доогуур шургадаг даа

гэсэн шүлгийг уншаад бяцхан болмжор санаанд тань бууж байна уу.

Хүйтэн сэрүүний улирал эхэлж бяцхан болмжор дааран, өвсөн доогуур шургалах энэ үеэр шувууны үүр хийх санаа төрлөө. Өнөөдөр хийсэн “ажилтайгаа” холбогдуулаад блогтоо энэ мэдээллийг оруулж байна.

Биднийг хүүхэд байхад их тааралддаг байсан болжморын тоо толгой жил ирэх тусам цөөрч байгаа гэнэ. Болжморын тоо толгой ганцхан Монголд ч биш дэлхийн бүхий л суурин газруудад ховорхон үзэгдэх болоод байгаа гэсэн харамсалтай мэдээг уншлаа. Хоол хүнсний хомсдол, толгой хоргодох байр сууц үгүй түүнчлэн цаг агаарын таагүй байдал гэх зэрэг нь болмжорын тоо толгой хоргодох үндсэн шалтгаан болж байна гэж судлаачид үзсэн байх юм.

Миний олж авсан мэдээллээр болмжор гэлтгүй суурин газрын бяцхан шувууд 10-р сараас 3-р сарын хооронд тун идэвхитэй үүр хайдаг гэжээ. Иймээс бяцхан шувуудад тус болох үүднээс өнөөдөр өглөө шувууны үүр хийж гэрийнхээ гадна өлгөлөө.

Хангамж бааз

 

Заа бэлэн боллоо.

 

 

 

Барилга угсралт

4 давхар хауст үнэгүй суулгана

 

Ажиглалтын цэгээс нэг иймэрхүү

 

Шувуу үүрлэчихвэл ингээд харчихна даа

Бээлий өмсөхгүй бол гар цэврүүтэх юм байна шүү!!!!!!!

Шувууны үүр хийхийн ашиг тус:

–         Жил ирэх тусам хорогдож байгаа шувууны тоо толгойг хамгаалах

–         Шувуу аюулгүй газар өндөглөж, ангаахайнууд аюулгүй газар торних гэх мэт /Миний бодлоор/

Шувууны үүр хийхэд анхаарах зүйлс:

–         Үүрний нүхийг гаргахдаа ус, бороо, цас орохооргүйгээр нүхлэх

–         Борооны хамгаалалттай саравч хийх, дээвэр нь ус нэвтрэхээргүй байх

–         Шувуу орж, гарах нүхийг салхины зүгт харуулахгүй мөн нарны гэрэл шууд тусахааргүй байх

–         Муур гэх мэт шувууны “агнуурчин” үл хүрэх газарт, ерөнхийдөө газраас 5-6 метрт байхаар өлгөх

–         Шувуу нисэж орж, гарахад саадгүй байхаар өлгөх

–         Шувууны үүрийг хурц өнгөөр будахгүй байх

–         Шувууны үүрийг модоор хийх

Дараахи хэмжээгээр хийхэд боломжийн хөөрхөн үүр болчихно доо.

Шувууны үүрний загварууд

Ерөнхийдөө шувуу 3-р сарын дунд үе, хаврын эхэн сар гэхэд үүрлэж дуусдаг. Шувуу үүрэнд өндөглөсөнөөс хойш өндөг хагарч, бяцхан ангаахайнууд бие даан нисэх хүртлээ 16-18 долоо хоног болдог юм байна.

Нэгэнт бие даан нисэх чадвартай болж үүрээ орхин ниссэний дараа урин дулаан цагт ихэвчлэн задгай газраар хэсүүчлэн амьдрах тул шувууны үүр үндсэндээ дараагийн өндөглөлт хүртэл буюу 10-3-р сар хүртэл эзгүй байдаг.

Иймээс та үүрэнд үлдсэн шувууны өвсөн хучилгыг цэвэрлэн дараагийн шувуунд бэлтгэж өгөх хэрэгтэй. Учир нь өвсөн хучилганд өт, шимэгч хорхой үржиж шувуу үүрлэхэд бэрх болдог байна.

 

 

Ингээд таны хийж өлгөсөн үүрэнд  шувуу өндөглөж, уянгалаг бяцхан найзтай болохыг хүсье.

 

5 сарын дараа…..

1

2

3